Italiya ta wahala kafin kaiwa wasan karshe na Euro 2020 - Mancini
Mai horas da tawagar kwallon kafar Italiya Roberto Mancini ya ce shakka babu sun sha wahala matuka kafin samun nasarar doke Spain domin kaiwa zagayen wasan karshe.
Wallafawa ranar:
Tuni dai shi ma fitaccen dan wasan kasar ta Italiya Leonardo Bonucci ya bi sawun kocin nasu wajen bayyana wahalar da suka sha a wasan na jiya.
A cewar Bonucci fafatawarsu da Spain shi ne wasa mafi wahala da ya buga a tsawon lokacin da ya shafe yana haskawa a kwallon kafa.
A jiya Talata ne dai Italiya ta samu nasara kan Spain da kwallaye 4-2 a matakin bugun daga kai sai mai tsaron raga, bayan da suka tashi 1-1 a tsawon mintuna 90 da karin lokacin wasu mintunan 30.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu