Arsenal ta rasa gurbi a wasannin Turai na badi karon farko cikin shekaru 25

Arsenal ta kafa mummunar tarihin wajen rasa gurbin samun damar zuwa wasan kwallon kafa na Turai karon farko cikin shekaru 25.

'Yan wasan Arsenal yayin wasan su da Fulham FACUNDO ARRIZABALAGA POOL/AFP

Sakamakon yadda ta gaza zama cikin na 1 zuwa har na 7 a saman teburin gasar ta Ingila, inda ta karkare a ta 8 da maki 61.

Tottenham ta yi duk mai yiwuwa wajen samun gurbi  a gasar Europa League bayan doke Leicester city da 3 -2 a ranar karshe ta kakar.

Hakan na nufin Arsenal ba za ta buga wasan kwallon kafa a Turai ba a kakar wasa mai zuwa a karon farko tun kakar shekarar 1995-96.