Chelsea na neman tagulawa Madrid lissafi a gasar zakarun Turai

Chelsea ta sanya Real Madrid ta Zinédine Zidane cikin mawuyacin hali a fafatawar da sukayi daren jiya a Madrid babban birnin Spain, a matakin daf da na karshe haduwar farko na gasar neman cin kofin zakarun Turai bayan da aka Karkare wasa kunnen doki 1-1.

Wasan Real Madrid da Chelsea a zagayen farko na wasan daf da na karshe na gasar neman cin kofin zakarun Turai da aka tashi 1-1 a Mardid ranar 27 ga watan Afrelu 2021 JAVIER SORIANO AFP

Tawagar Thomas Tuchel ta fara zura kwallo mintu 14 da soma wasa ta hannun Pulisic Kristen kafin Karim Benzema ya farkewa Madrid kafin a tafi hutun rabin lokaci.

Kwallo daya da aka zura mata a gida kafin tashi daya-daya, ya dagulawa tawagar Zidan lissafi, lamarin da zai kaisu ga buga wasa zagaye na biyu Stamford Bridge  gidan Chealsea 5 ga wata Mayu cikin matsin lamba na dole sai tayi nasara.

Yanzu haka Pulisic ya zama dan Amurka na farko da ya taba cin kwallo a wasan daf da na karshe a gasar neman cin kofin zakarun nahiyar Turai Champions League, yayin da Karim Benzema ya ci kwallo na 71 a a gasar, abin da ya kaishi mataki na hudu a jerin wadanda suka nunan wannan bajintar, baya ga Cristiano Ronaldo da Lionel Messi da kuma Robert Lewandowski.