An yi mana kisan kai a wasanmu da Real Madrid-Gasperini
Kocin Atalanta Gian Piero Gasperini ya bayyana bacin ransa kan abin da ya kira kisan kai a kwallon kafa bayan ‘yan wasansa sun shafe tsawon mintina 70 ba tare da dan wasa guda ba da aka ba shi jan kati a karawar da Real Madrid ta yi musu ci daya mai ban haushi a gasar zakarun Turai.
Wallafawa ranar:
A cikin minti na 17, alkalin wasa ya bai wa Remo Freuler jan kati bayan ya harde kafar Ferland Mendy a gab da da’irar mai tsaren ragar Atalanta.
Kocin na Atlanta ya sake shiga cikin bakin ciki bayan Mendy ya yi nasarar jefa kwallon daya tilo a ragarsu a minti na 86, wato ana sauran minti hudu a tashi wasan.
Kocin ya ce, abin takaici ne alkalin wasa ya kasa banbance tsakanin keta da kuma tunkara, yana mai cewa, muddin alkalin wasa ba ya iya fahimtar keta ko kuma tunkara, to ya nemi wani aikin daban, amma ba alkalancin wasa ba.
Real Madrid ta buga wasan na jiya ba tare da wasu daga cikin zaratanta ba da ke jinya, cikinsu kuwa har da Karim Benzema wanda ya fi yawan kwallaye da Sergio Ramos da Eden Hazard da Dani Carvajal.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu