Balotelli yace zai kashe duk wanda ya jefa masa Ayaba a Euro

Mario Balotelli dan wasan Italiya yace zai dauki matakin yin kisa ga duk wanda ya jefa ma shi Ayaba a filin wasa ko saman titi a lokacin wasannin gasar cin kofin Turai da za’a gudanar a kasashen Ukraine da Poland.

Dan wasan Itaila Mario Balotelli Reuters

Mario Balotelli dai yasha fama da matsalar nuna masa wariyar launin fata musamman lokacin da yake taka kwallo a Italiya. Kuma akwai yiyuwar bakaken fata zasu yi fama da matsalar wariyar launin fata a gasar cin kofin Turai.

Balotelli a lokacin da yake zantawa da wata mujallar wasanni a Faransa, dan wasan yace sai dai da daure shi a gidan yari amma sai ya kashe duk wanda ya jefa masa bawan Ayaba.

A Turai dai a filin wasa ‘yan kallo sukan jefa wa bakaken fata bawan Ayaba da nufin danganta su da Birai.