Roger Federer ya lashe kofin Rotterdam Open

Roger Federer ya lashe kofinsa na hudu a jere bayan ya doke dan kasar Argentina Juan Martin del Potro a wasan karshe ta Rotterdam Open da aka kammala.

Roger Federer lokacin wasan karshe da yake fafatawa da Juan Martin Del Potro REUTERS/Tim Wimborne

Federer ya kammala shekarar 2011 ne tare da lashe kofuna uku wadanda ya lashe a biranen Basel da Paris da Landon kafin a jiya Lahadi ya karbi kofi na hudu a Rotterdam kasar Holland. Federer ya taba lashe kofin na Rotterdam shekaru bakwai da suka gabata.