Kotu ta karbe kujerar Dan Majalisar Wakilai a Kano ta bai wa Kwankwaso
Kotun da ke sauraron kararrakin zabe a Kano da ke Najeriya, ta kwace kujerar Dan Majalisar Tarayya daga hannun Datti Yusuf Umar na jam'iyyar NNPP, inda ta bayyana Musa Ilyasu Kwankwaso na jam’iyyar APC a matsayin wanda ya samu nasara a mazabar Kura da Madobi da Garun Malam.
Wallafawa ranar:
Kotun ta tabbatar da zargin cewar Umar bai ajiye aikin sa a Jami’ar Bayero ba kwanaki 30 kafin gudanar da zabe, kamar yadda doka ta tanada.
Mai shari’a Ngozi Flora Azinge ta umarci hukumar zabe ta INEC da ta karbe shaidar nasarar zaben da aka bai wa Yusuf Umar na jam’iyyar NNPP domin mika wa Ilyasu Musa Kwankwaso na jam’iyyar APC wanda ya zo na biyu a zaben da aka yi ranar 25 ga watan Fabarairun wannan shekara.
Idan dai ba’a manta ba Umar ne ya samu kuri’u mafi yawa a saben kujerar majalisar tarayyar da aka yi, abin da ya sa hukumar zabe ta bayyana shi a matsayin zababben ‘dan Tajalisar Tarayya daga jihar kano.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu