Za mu iya kera wa Najeriya na'urar Ventilator- Matasa

Wasu matasan injiniyoyi sun gyara na’urorin taimaka wa mara lafiya yin numfashi da ake kira Ventilator a harshen Turanci a asibitin koyarwa na jami’ar Jos da ke jihar Filaton Najeriya duk da cewa, a karon farko kenan da suka yin ido biyu da na’urorin.

Hatta kasashen duniya na fama da karancin na'urar Ventilator a wannan lokaci da annobar coronavirus ta zame wa duniya alakakai. wired

Fasahar matasan ta kayatar da hukumomin asibitin ganin cewa, babu wanda ya zaci cewa, matasan za su iya gyara na’urorin.

Wannan na zuwa ne a daidai lokacin da ake fama da karancin ire-iren wadannan na’urori a fadin Najeriya duk da cewa ana matukar bukatar su musammam a wannan lokacin da annobar coronavirus ke harbar mutane.

Matasan sun bayyana cewa, za su iya taimaka wa gwamnatin Najeriya ta hanyar kera ire-iren wadannan na'urorin.

02:49

Matasan da suka gyara na'urar Ventilator a Najeriya