Zabe zai taimaka wajen kawar da Bokoharam a Najeriya-Obama

A wani sako ta faifan bidiyo da ya aikewa al’ummar Najeriya a yau litinin, shugaban Amurka Barack Obama ya bukaci al’ummar kasar da su fito su yi zabe a ranar asabar mai zuwa ba tare da tashin hankali ba

Shugaban Kasar Amurka, Barack Obama Reuters/路透社

Obama ya ce ‘yan Najeriya na da damar yin zabe a cikin kwanciyar hankali ba tare da tursasawa ba, inda shugaban na Amurka ya bayyana zaben a matsayin mai muhimmanci lura da matsayin Najeriya ta fannin yawan al’umma da kuma karfin tattalin arziki a nahiyar Afirka.

Shugaban na Amurka ya bayyana zaben a matsayin wata dama ga ‘yan Najeriya domin kawo karshen ayyukan Boko Haram da suka yi sanadiyyar mutuwar dimbin mutane a kasar.

A ranar 28 ga watan Maris dina da kuma 11 ga watan Afrilu mai zuwa ake saran al'umma kasar su fita domin kada kuri'un su