Shugaban Faransa Emmanuel Macron na ziyarar kwanaki uku a Amurka, in da zai tattaunawa da shugaba Donald Trump kan batutuwa da dama da suka hada da yarjejeniyar nukiliyar Iran. Macron na fatan shawo kan Trump don ajiye akidarsa ta adawa da wannan yarjejeniya da manyan kasashen duniya suka cimma da Iran a shekarar 2015. A game da wannan ziyara, Garba Aliyu Zaria ya tattauna da Alh. AbdulRahman Dendi Abarshi da ke zaune a birnin Washington na Amurka.
