NATO ta ce Amurka ta jikkata mutane a Kabul

Kungiyar Kawancen tsaro ta NATO ta ce wasu jerin hare-haren saman da Amurka ta kai Kabul da ke Afghanistan sun yi sanadiyar jikkata mutane da dama.

Dakarun NATO a birnin Kabul na Afghanistan REUTERS/Mohammad Ismail

Sanarwar da kungiyar ta bayar ya nuna cewar an kai hare-haren ne kan wasu mutane da ake zargin 'yan ta’adda ne lokacin da suka harba makamin roka jin kadan bayan saukar Sakataren Tsaron Amurka Jim Mattis a Kabul.

Ma’aikatar cikin gidan Afghanistan ta ce mutun guda ya mutu yayin da 11 suka jikkata.

Kungiyar Taliban da mayakan ISIS sun dauki alhakin harba makamin rokar.