Pakistan ta tsare masunta 100 'yan kasar India saboda shiga harabar tekun Pakistan.

Hukumomi a kasar Pakistan na tsare da wasu masunta 100 ‘yan kasar India saboda zargin suna sana’ar ta su a yankunan tekun Pakistan. 

Yankin tekun Pakistan a wani hoto da aka dauka a shekara ta 2010. AFP /JAPAN POOL

Majiyoyin samun labarai na cewa Hukumar Kulada da yankunan tekun Pakistan  ta yi wannan kame, da kuma kamen wasu kwale-kwake 19 da aka yi amfani da su.

Duk shekara akan sami irin wannan kame na masunta da ake zargi suna shiga harabar tekun juna.

Koda a watan janairu na wannan shekara sai da Hukumomin Pakistan suka yiwa wasu masunta 219 ‘yan kasar India  da ake tsare da su afuwa.