Mutane 160 aka kashe a rikicin Myanmar

Rahotanni daga Myanmar sun ce akalla mutane 160 suka mutu a cikin watanni 3 sakamakon fafatawar da akayi tsakanin sojojin kasar da ‘yan wata kabila da ke dauke da makamai a Jihar Shan.

Fafatawa a jahar Shan ya yi sanadiyar rayuka fiye da 160. DR

Rahotan ya ce mutane sama da 20,000 yanzu haka sun rasa matsugunin su sakamakon tashin hankalin da aka samu kusa da iyakar China.

Rundunar sojin Myanmar ta ce sojoji 74 aka kashe a fadan tare da ‘Yan Sanda 15 sai kuma ‘yan bindigan 13 da da wasu fararen hula 13.