Rwanda zata tura sojoji 1000 don taimakawa Mozambique

Kasar Rwanda ta bayyana shirin tura sojojinta dubu daya zuwa kasar Mozambique, domin taimaka wa kasar yaki da ‘yan ta’adda a lardin Cabo Delgado.

Sojojin Rwanda a yankin Jomba na Jamhuriyar Demokradiyar Congo, ranar 24 ga watan Janairu 20009. © Photo AFP / Lionel Healing

Rwanda ta amince ta tura sojojin ne bayan da taron shugabannin kasashen yankin kudancin Afrika karkashin inuwar kungiyarsu ta SADC ta bukaci a taimaka wa kasar don murkushe ‘yan ta’addan.

Daga shekarar 2017 zuwa farkon wannan shekara, fadan da aka gwabzawa a yankin na Cabo Delgado, ya yi sanadiyyar mutuwar mutane dubu biyu da 900 tare da tilasta wa sama da dubu 800 barin gidajensu.