Ghana zata kafa Bankin raya kasar bayan samun tallafi daga wani Bankin Turai

Shugaban Kasar Ghana Nana Akufo-Addo ya bayyana cewar kasar sa ta karbi tallafin euro miliyan 170 daga Bankin Zuba Jarin Turai na EIB domin kafa sabon Bankin kasa da aka yiwa suna ‘Development Bank of Ghana’.

Shugaban Babban Bankin Turai da shugaban kasar Ghana Nana Akufo Ado, 19 ga watan Mayu 2021 © Ghana presidency

Akufo-Addo ya bayyana sabon bankin a matsayin daya daga cikin harsasan bunkasa tattalin arzikin Ghana da suka yiwa lakabi da ‘Shirin Obaatampa’ sakamakon illar cutar korona a kasar.

Shugaban ya bayyana fatar ganin bankin ya taka rawar da ta dace wajen bunkasa harkokin Yan kasuwa da kuma taimakawa gwamnati aiwatar da manufofin ta na cigaba.

Shugaban Babban Bankin Turai da da tawagar kasar Ghana ciki harda shugaban kasa Nana Akufo Ado, da kuma ministan harkokin waje, 19 ga watan Mayu 2021 © Ghana presidency

Ministan harkokin wajen Ghana Shirley Ayorkoor Botchwey ta sanya hannu a yarjejeniyar karbar kudin, yayin da Dr Werner Hoyer, shugaban Bankin EIB ya sanya hannu a madadin bankin.