An gano Sojojin Najeriya 5 da suka bata

Rundunar Sojin Najeriya ta sanar da gano wasu daga cikin sojojinta da suka bata a wata arangama da suka yi da mayakan Boko Haram a kauyen Guro Gongon cikin jihar Borno.

Kanal Usman Kukasheka Kakakin rundunar Sojin Najeriya via twitter

A cikin wata sanarwa da kakakin rundunar Sojin ya fitar, Kanal Usman kukasheka ya ce an sake gano Sojojin guda biyar a wani aikin bincikensu da rundunar sojin ta kaddamar.

Sai dai bai fadi adadin Sojojin da suka bata ba a lokacin arangamar da dakarun suka yi da ‘Yan Boko Haram a ranar 20 ga watan Yuli a kauyen na Guro Gongon.

Sojoji kimanin 19 ne dai suka samu munanan rauni a arangamar.