Kasashen Afrika na taron tattalin arziki a Masar

A yau Asabar ne kasashen Afrika ke fara taron tattalin arziki da gwamantin Masar ta shirya gudanawar a kasarta.

Shugaban kasar Abdel Fattah al-Sisi zai bude taron na tattalin arziki. REUTERS/Tiksa Negeri

Shugaban kasar Masar , Abdel Fatah Alsisi ne zai bude taron na kwanaki biyu wanda za a gudanar a wurin shakatawa na Sharm el-sheik.

Ana sa ran shugaban Najeriya Muhammadu Buhari da takworinsa na Kenya da Togo da Sudan da Gabon za su gabatar da jawabi a taron wanda zai mayar da hankali wajen karfafa huldar kasuwanci tsakanin kasashen Afrika.