Mai gabatar da kara ya nemi a yanke wa Taylor hukuncin shekaru 80 a gidan yari

Babban mai gabatar da kara a shari’ar Charles Taylor tsohon shugaban kasar Liberia, ya nemi a daure tsohon shugaban shekaru 80 a gidan yari bayan kama shi da laifin aikata laifukan yaki a Saliyo.

Masu gabatar da kara Brenda J. Hollis da, Nicholas Koumjian da Mohammed Bangura a sauraren karar Charles Taylor REUTERS/Peter Dejong/Pool

Wasu takardun da suka fito daga ofishin mai gabatar da karan, sun ce wannan hukuncin ya dace da Mista, Taylor, saboda bayar da makamai da taimakawa ‘Yan tawayen da suka hallaka, da nakasa dubu dubatar mutane a kasar Saliyo, mai makwabta da Liberia.

A makon da ya gabata kotun ta hukunta manyan laifuka, ta sami Taylor mai sheakru 64, da laifin taimakawa, wajen aikata laifukan yaki a kasar ta Saliyo.