Guguwar Dorian na ci gaba da barna a Bahamas
Rahotanni daga Bahamas na cewa mahaukaciyar guguwar Dorian da aka kwashe shekaru ba a ga makamanciyarta a tarihi ba, na ci gaba da tafka barna a yankin arewa maso yammacin kasar, inda ta haddasa mummunar ambaliyar ruwa tare da yaye rufin gine-gine.
Wallafawa ranar: Chanzawa ranar:
Tun a ranar Lahadi, mahaukaciyar guguwar ta da ke gudun kilomita 285 a cikin sa'a guda ta afka wa kasar, yayinda karfinta ya kai mataki na 5 kamar yadda masana yanayi suka tabbatar.
Tuni jami’an agaji suka bukaci dubban jama’a da su nemi mafaka a kwararan wurare, inda suka yi gargadin cewa, tsawon tozon guguwar daga sama zuwa kasa zai iya karuwa daga kafa 18 zuwa kafa 23.
A Amurka, tuni shugaba Donald Trump ya gana da tawagar jami’an bada agajin gaggawa ta kasar, tare da bada umarnin kwashe dubban jama’a daga yankunan gabar ruwa a Florida, daya daga cikin yankunan da masana suka yi hasashen cewa, guguwar ta Dorian za ta afkawa.
An ayyana dokar ta baci a jihohin Florida da Georgia da Arewaci da kuma Kudancin Carolina na Amurka.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu