Isa ga babban shafi

'Yan ci rani fiye da 1,500 sun hallaka a kokarin isa Turai - MDD

Hukumar kula da ‘yan gudun hijira ta majalisar dinkin duniya, IOM ta ce sama da ‘yan ci rani 1,500 ne suka rasa rayukansu, a shekarar 2018 da muke ciki, yayinda sukai kokarin ketare tekun Mediterranean, domin isa nahiyar turai.

Wasu 'yan ci rani da suke kan kokarin ketara teku daga kasar Morocco zuwa Tarifa, da ke kudancin kasar Spain. 27 ga watan Yuli, 2017.
Wasu 'yan ci rani da suke kan kokarin ketara teku daga kasar Morocco zuwa Tarifa, da ke kudancin kasar Spain. 27 ga watan Yuli, 2017. REUTERS/Stringer
Talla

Hukumar ta IOM ta ce karo na biyar kenan da ake samun adadin ‘yan ci ranin da suka hallaka cikin shekaru biyar a jere.

Rahoton ya kara da cewa ‘yan ci rani, dubu 1,111 sun hallaka ne yayin kokarin ketara teku daga Libya zuwa Italiya, 304 kuma sun salwanta ne a kokarin isa kasar Spain, sai kuma ‘yan ci ranin 89 da suka nutse a teku, yayin kokarin isa kasar Girka.

Wata kididdiga a baya bayan nan, ta nuna cewa ‘yan ci rani dubu 55, 000 ne suka kwarara zuwa nahiyar turai daga watan Janairu zuwa Yuli na 2018, alkalumman da ke nuna an samu raguwar, kashi 50 na yawan wadanda suka ketara teku zuwa nahiyar turan a shekarar 2017.

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.

Ku saurari dukannin labaran duniya ta hanyar sauke man hajar RFI

Rarbawa :
Babu shafi

Babu bayanan da ka bukata ko kuma sam babu su.