Ana gudanar da zaben Shugaban kasa a Colombia

A yau lahadi al’umar kasar Colombia ke gudanar da zaben Shugaban kasar, zaben dake a matsayin zakaran gwajin dafi tun bayan da aka cimma yarjejeniyar zaman lafiya da kungiyar yan tawayen FARC.

Juan Manuel Santos, Shugaban kasar mai barin gado a yayinda yake jawabi zuwa yan kasar dangane da zaben kasar Nelson Cárdenas - SIG

Shugaban kasar mai barin gado Juan Manuel Santos mai shekaru 66 ya kira daukacin yan kasar da su kaucewa tada zaune tsaye tareda fatan gani sun bayar da hadin kai domin cigaba da dorewa cikin kwantiar hankali da lumana.

Yan takara shida ne za su karawa domin maye gurbin Juan Manuel Santos da ya shugabanci kasar tsawon wa’adi biyu tun bayan shekara ta 2010.