An rantsar da sabon Sakataren Wajen Amurka
An rantsar da tsohon shugaban Hukumar Leken Asirin Amurka, Mike Pompeo a matsayin sabon Sakataren Harkokin Wajen Amurka bayan da ya samu amincewar ‘yan majalisar dokokin kasar.
Wallafawa ranar:
Tuni sabon Sakataren Wjen ya tashi daga birnin Washington domin fara ziyarar aiki a kasashen Turai da kuma Gabas ta Tsakiya.
A karshen wannan makon ne ake saran Pompeo zai isa Saudiya da Jordan da kuma Isra’ila bayan kammala taron kungiyar tsaro ta NATO yau a birnin Brussels.
Gabanin rantsar da shi, Pompeo na shiga harkokin diflomasiya domin ko a makwanni uku da suka gabata, sai da shugaba Donald Trump ya aike shi Korea ta Arewa don ganawa da Kim Jong-un gabanin taron da shugabannin kasasahen biyu za su gudanar nan gaba don tattaunawa kan batun nukiliya.
Ana kallon Mr. Pompeo a matsayin mai irin akidar shugaba Trump.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu