An aiwatar da hukuncin kisan mutane 15 a kasar Jordan

Hukumomi a kasar Jordan yau Asabar  suka aiwatar da hukuncin kashe wasu mutane 15 da ake zargi sun aikata lafuka barkatai tsakanin shekara ta 2006 da shekara ta 2014. 

Sarki Abdallah na biyu na kasar Jordan yana jawabi ga MDD REUTERS/Ray Stubblebine

Ministan labarai na kasar ta Jordan Mahmud al-Momani ya tabbatar da cewa tuni mutanen na lahira kuma dukkanin su ‘yan kasar ta Jordan ne.

A cewar sa 10 daga ciki an zarge su ne da laifin ayyukan ta'addanci, yayinda biyar an zarge su ne da laifukan da suka hada da fyade.

A gidan yarin birnin Amman ne , inji Ministan aka rataye su duka.