MDD ta haramta wa Isra'ila gine-gine a yankin Falasdinu

Kwamitin Sulhu na Majalisar Dinkin Duniya ya haramta wa Isra'ila gine-gine a yankin Falasdinawa, bayan kada kuri'ar amincewa da kudirin da Amurka wadda babbar kawar Isra'ilar ce, ta zama 'yar babu ruwanmu kan al'amarin.

MDD ta bukaci Isra'ila ta dai na mamaye a yankin Falasdinu

Da yammacin jiya ne dai Kwamitin ya amince da wani kudirin hukuncin da ya bayyana shirin gine-gine na Isra'ila da yi wa dokokin kasa da kasa karan tsaye.

Tuni dai Firaiministan Isra'ila, Benyamin Natenyahu, ya yi Alla-wadai da hukuncin kwamitin inda ya ce zai yi aike tare da shugaban Amurka mai jiran gado, Donald Trump domin warware wannan hukuncin na MDD.