Jamus za ta gina barikin soji a Nijar

Kasar Jamus za ta gina wani barikin soji a cikin Jamhuriyar Nijar domin fada da ayyukan ta’addanci a makociyar kasar wato Mali.

Jamus za ta kafa sansanin soji a jamhuriyar Nijar don yaki da mayakan jihadi a Mali AFP PHOTO / DPA / PETER ENDIG

Jakadan Jamus a birnin Yamai Bernd von Munchow-Pohl, wanda ke jawabi a game da zagayowar ranar da aka hade jamus ta gabas da kuma yamma, ya kuma ce, shugabar gwamnatin kasar Angela Merkel za ta ziyarci Nijar a cikin ‘yan kwanaki masu zuwa.
 

Kafin kasar ta Jamus, tuni kasashen Faransa da kuma Amurka suka gina nasu barikokin soji a kasar ta Nijar.