Masana kimiyar yanayi sun yi na’am da yarjejeniyar da aka cim ma

Masana kimiyar yanayi sun yi na’am da yarjejeniyar da aka cim ma ta rage dumamar yanayi a Paris, amma sun ce har yanzu akwai gibi, ga bayanin tsarin yadda kasashe zasu rage gurbataccen iska da ke haifar da matsalar.

Wakilan kasashe 195 sun amince da yarjejeniyar rage dumamar yanayi a taron da aka gudanar a Paris REUTERS/Mal Langsdon

A ranar Asabar ne kasashe 195 suka amince da yarjejeniyar da ta kunshi rage dumamar yanayin zuwa kasa da biyu na ma’aunin yanayi.

Masanan na ganin akwai bukatar a rage fitar da dattin hayaki da masana’antu ke fitarwa da kusan kashi 70 zuwa 90 daga yanzu zuwa shekaru 50.

Yarjejeniyar da aka amince a Paris ta shiga cikin kundin tarihi a duniya inda ake ganin matsalar dumamar yanayi babbar matsala ce ga rayuwar bil’adama.

China mai yawan fitar da gurbsataccen iska ta yi na’am da yarjejeniyar .

Shugaban Amurka Barack Obama yace wannan dama ce ta ceto duniya.