Isa ga babban shafi
Faransa

Hadarin Jirgin Sama a Faransa shine mafi muni cikin shekeru 30

Hukumomi a kasar Faransa sun bayyana hatsarin saman da ya auku a cikin kasar, a matsayin wanda ya fi lakume rayuka shekaru sama da 30 da suka gabata, a yayin da Shugaban Kasar, Francois Hollande, ya jaddada kudirin gano musabbin hadarin

Jirgin Jamus kirar Airbus 320
Jirgin Jamus kirar Airbus 320 AFP PHOTO
Talla

Tun shekara ta 1974, da jirgin Turkiya ya yi hadari a Faransa, inda mutane 346 suka rasa rayukansu, a karo na farko kenan da mafi munin hadarin jirgin sama ya auku a kasar.

Shugaban Kasar, Francois Hollande, ya jaddada Kudirinsu na tabbatar da cewa sun gano musabbain aukuwar hadarin, inda akasarin fasijojin dake cikin jirgin ‘Yan asalin kasashen Jamus ne, Spain da Turkiya, kuma akwai jarirai biyu a ciki baya ga daliban makaranta 16.

Gabanin faruwar lamarin, hukumar kula da zirga-zairgar jiragen Sama ta Faransa, ta sanar cewa, ta daina jin duriyar jirgin bayan matsalar da aka samu ta katsewar hanyar sadarwa tsakaninta da jirgin.

Tuni dai shugaban Amurka, Barrack Obama ya aike da sakon ta’aziya ga kasashen da lamarin ya shafa, inda yace, jami’ansu na gudanar da bincike dan gano ko akwai ‘Yan Kasar Amurka a cikin hadarin.
 

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.

Ku saurari dukannin labaran duniya ta hanyar sauke man hajar RFI

Rarbawa :
Babu shafi

Babu bayanan da ka bukata ko kuma sam babu su.