Mutane biyar da ake zargi da yin fyade da kisan kai a India sun ki amsa laifukan da ake tuhumarsu akai
Mutane biyar da ake zargi da yin fyade da kisan kai a kasar India sun ki amsa laifinsu a yau Asabar yayin da aka gurfanar da su a gaban kotu. A watan Dismbar bara ne a kawa wata dalibar kiwon lafiya fyade a cikin mota kirar bas, wanda hakan ya yi sanadiyar mutuwarta daga karshe, ya koma haddasa mummunan bore a kasar ta India.
Wallafawa ranar: Chanzawa ranar:
Ana tuhumar mutanen da laifukan fyade, kisa da kuma yin garkuwa wanda ake gudanar da shi a wata kotu dake birnin New Delhi.
“Dukkanin wadanda ake zargi da laifukan sun ki amsa laifinsu.” Inji v.k Anand, Lauyan da ya ke karesu.
Mutum na shida da ake tuhuma a shari’ar har ila yau an gurfanar da shi ne a gaban kotun masu kananan shekaru.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu