Isa ga babban shafi
Korea ta Kudu

Park ta musanta aikata laifi a Koriya ta Kudu

Tsohuwar shugabar Koriya ta Kudu Park Geun-hye ta musanta aikata ba dai dai ba a tuhumar da aka fara yi ma ta kan zargin aikata wasu laifuka da suka hada da cin hanci da rashawa.

Uwargida Park Geun-hye a kotun birnin Seoul
Uwargida Park Geun-hye a kotun birnin Seoul REUTERS/Ahn Young-joon/Pool
Talla

Uwargida Park da aka tsige da aka tsige daga karamar mulki na fuskantar tuhume-tuhume kan cin hanci da rashawa da tozarta karfin mulki da kuma fallasa sirrikan kasa.

A karon farko kenan da tsohuwar shugabar ke bayyana a bainal jama’a tun bayan cafke ta a cikin watan Maris da ya gabata.

Jami’an ‘yan sandan kasar sun sanya ma ta sarka a hannunta a yayin taso keyarta zuwa kotun birnin Seoul cikin motar daukan fursunoni.

Ana zargin Park Geun-hye da hada kai da aminiyarta, Choi Soon-sil wajen karbar kudade daga wasu manyan Kamfanonin kasar da suka hada da Samsung da nufin yi mu su alfarmar siyasa.

Koriya ta Kudu na da damar yanke hukuncin rai-da-rai ga duk wanda aka samu da  laifin cin hanci da rashawa.

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.

Ku saurari dukannin labaran duniya ta hanyar sauke man hajar RFI

Rarbawa :
Babu shafi

Babu bayanan da ka bukata ko kuma sam babu su.