Al'ummar Tunisia na zaben sabon shugaban kasa

Sama da mutane milyan 7 ne suka cancanci kada kuri’unsu a zaben shugabancin kasa da ake gudanarwar yau lahadi a kasar Turnisia, yayin da aka kafa rumfunan zabe sama da dubu 13 domin bai wa jama'a damar kada kuri'unsu.

Des agents élecotraux transportent du matériel pour l'élection présidentielle du 15 septembre 2019, à Tunis REUTERS/Zoubeir Souissi

Mutane 24 ne ke takara domin maye gurbin shugaba Caid Essebsi wanda ya rasu a cikin watan yulin da ya gabata.

An tsara bude rumfunan zabe da misalin karfe 8 na safe kafin a rufe a 6 na yamma domin bai wa jama’a damar kada kuri’unsu a wannan zabe mai cike da tariki, lura da cewa Tunisia, ita ce kasar larabawa ta farko da aka samu barkewar bore a shekara 2011 sannan aka gudanar da zabe irin na dimokuradiyya a cikinta.