Isa ga babban shafi
Chad

Mutane 37 sun mutu a rikicin makiyaya a Chadi

Shuagaban Chadi Idris Deby itno ya sanar da mutuwar mutane akalla 37 sakamakon  wani saban rikici daya barke tsakanin manoma da makiyaya a farkon wannan makon a yankin gabashin kasar. 

Rikicin makiyaya da manoma ya zama ruwan dare a wasu kasashen Afrika
Rikicin makiyaya da manoma ya zama ruwan dare a wasu kasashen Afrika REUTERS/Afolabi Sotunde
Talla

A cewar wata kungiya mai zaman kanta, rikicin ya samo asali ne a yankin Hamra bayan an  gano gawar wani makiyayi, lamarin da ya haifar da dauki-ba-dadi tsakanin jama'arsa da manoma ‘yan kabilar Ouaddaiens.

Rikicin ya kuma ketara zuwa yankin Chokoya, inda wani basaraken gargajiya ya shaida wa Kamfanin Dillancin Labaran Faransa na  AFP cewa, an kidaya gawarwakin mutune 25.

Yankin gabashin kasar ta Tchadi, wuri ne na kiwo da ke kan iyakar kasar Sudan kuma a 'yan shekarun baya-bayan ya kasance wani yanki da ake yawaita rikici tsakani makiyaya Larabawa da mazauna yankin 'yan kabilar Ouaddaiens kan batun filayen noma da wuraren kiwo.

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.

Ku saurari dukannin labaran duniya ta hanyar sauke man hajar RFI

Rarbawa :
Babu shafi

Babu bayanan da ka bukata ko kuma sam babu su.