Isa ga babban shafi
Najeriya-Nijar

Najeriya da Nijar sun tsaurara matakan yaki da safarar mutane -Rahoto

Wani rahoton gwamnatin Amurka kan matakan da kasashe ke dauka wajen yaki da safarar mutane, ya nuna yadda kasashen Najeriya da Nijar ke jajircewa wajen bunkasa tsaron iyakokinsu don yaki da safarar mutane, ko da dai rahoton ya ce har yanzu kasashen ba su kai mafi karancin mataki da ake bukata ba.

Rahoton ya sanya kasashen na Najeriya da Nijar a rukuni na biyu wadanda ke kokarin kakkabe ayyukan safarar mutane
Rahoton ya sanya kasashen na Najeriya da Nijar a rukuni na biyu wadanda ke kokarin kakkabe ayyukan safarar mutane Photo : Sia Kambou / AFP
Talla

Cikin rahoton na shekara-shekara da Amurka kan fitar game da kokarin da kasashe kan yi don yakar safarar mutane, a bana rahoton ya kasa kasashen zuwa gida 3, a ciki kuma ya yaba da kwazon kasashen Najeriya da Nijar, wadanda Amurkan ke cewa sun samar da matakan tsaro sai dai har yanzu fa basu kai matakin tsaron da ake bukata ba.

Rukuni na farko a cikin kasashen galibi na Afrika su ne wadanda suka kai matakan tsaron da ake bukata wajen hana safarar mutanen, sai kuma rukuni na biyu da kasashen Najeriya ke ciki wadanda suka dauki matakan hana safarar ko da dai akwai sauran rina a kada, sai kuma rukuni na 3 wadanda Amurkan ke yiwa barazanar fuskantar takunkumai saboda gaza daukar matakan hana safara da mutane.

Cikin rahoton, Amurka ta yabawa Najeriya, kan yadda kasar ta kawo karshen amfani da kananan yara a matsayin sojojin yaki a kungiyoyin tsaro da ke samun goyon bayan gwamnati.

A bangaren Nijar, rahoton ya yabawa gwamnatin kasar kan yadda ta horar da jami’ai na musamman da ke aiki akan iyakokin kasar don yaki da safarar mutane da kuma bautar da kananan yara.

Julie Okah-Donli, babbar jami’ar hukumar da ke sanya idanu kan safarar mutane tare da bautar da kananan yara a duniya, ta shaidawa gidauniyar Thompson Reuters cewa, kasashen na Najeriya da Nijar na aiki matuka sai dai akwai bukatar su kara himma la’akari da yadda su ke matsayin hanyoyin da ake amfani da su wajen safarar bil’adama.

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.

Ku saurari dukannin labaran duniya ta hanyar sauke man hajar RFI

Rarbawa :
Babu shafi

Babu bayanan da ka bukata ko kuma sam babu su.