Shugaban Kenya Uhuru Kenyatta ya bayyana cewar za a ci gaba da gudanar da zaben shugaban kasar kamar yadda aka shirya a ranar 26 ga watan nan, duk da janyewar abokin karawarsa Raila Odinga. Shugaba Kenyatta ya ce, ba shi da fargabar komawa zabe saboda yana da yakinin samun kuri’un da suka zarce na da, yayin da Odinga ya ce, ya janye ne saboda zaman lafiyar Kenya ganin hukumar zabe ta kasa aiwatar da sauye-sauyen da 'yan adawa suka bukata.Akan haka ne Bahsir Ibrahim Idris ya tattauna da Dr Jafar Lawal Dabai na babbar kwalejin Fasaha ta Kaduna.
