Masana sun gano nau'in cutar Malaria mai bijirewa magani

Masana kiwon lafiya sun ce a karon farko sun gano wani nau’in cutar malaria dake bijirewa maganin Artemisinin a nahiyar Afrika.

Sauro da ke haddasa cutar Malaria netdoctor.co.uk

Binciken ya haifar da fargaba kan yiwuwar samun koma baya ga samun nasarar yaki da cutar dake kashe miliyoyin mutane kowacce shekara a nahiyar.

Sakamakon binciken ya nuna cewa, Afirka tabi sahun Asia wajen samun wannan nau’in cutar dake bijirewa maganin.

Kididdiga ta nuna cewa, cutar maleriya ta kama mutane sama da miliyan 200 a shekara ta 2015, yayin da 438,000 suka mutu, kuma mafi yawa daga ciki yara ne kanana.