'Yan Adawa A Kasar Chadi Sun Kushe Sakamakon Zaben Kasar

‘Yan adawa a kasar Chadi sun soki sakamakon zaben kasar da akace Shugaba maici Idris Derby Itno ya lashe domin  zarcewa da mulkin kasar wa'adi na biyar a jere.  

Shugaban kasar Chadi Idriss Deby AU

Yanzu haka dai Fira Ministan Albert Pahimi Padacke  ya roki jama'a dasu kwantar da hankulan su.

Bayan sanar da cewa Idris Derby Itno ne yayi nasarar cin zaben , masu goyon bayan shugaban sunyi da nuna farin cikin su tare da  harba bindigogi sama  suna zagaya birnin N’Djamain.

Sakamakon zaben na nuna Shugaba mai ci Idris Derby Itno ya sami kuri'u kashi  kusan 62%, yayin da Saleh Kebzabo na 'yan adawa ke da yawan kuri'u kusan kashi 13%.