Ebola : Mutane 5 sun Mutu a Guinea

Hukumomin Lafiya a kasar Guinea sun sanar da mutuwar mutane 5 sakamakon sake barkewar cutar Ebola, abinda ya sa Liberia ta sanar da rufe iyakar ta da kasar.

Jami'in kiwon Lafiya a Guinea KENZO TRIBOUILLARD / AFP

Fode Tass Sylla, mai magana da yawun gwamnatin Guinea ya ce tun bayan samun labarin sake barkewar cutar an sanar da mutuwar mutane 5, 3 daga cikin su a birne su ba tare da bincike ba.

Jami’in ya ce yanzu haka ana sa ido kan mutane 961 wadanda suka yi mu’amala da wadanda suka mutun.