Buhari ya nada sabon shugaban kamfanin NNPC

Shugaban Najeriya Muhammadu Buhari ya nada Emmanuel Ibe Kachikwu a matsayin sabon shugaban kamfanin mai na NNPC bayan tube shugabanin gudanarwar kamfanin tuntuni.

Kamfanin NNPC a Najeriya Getty Images/Suzanne Plunkett

Sanarwar nadin Kachikwu ta fito ne daga Femi Adeshina, Kakakin Shugaba Muhammadu Buhari.

Kachikwu dai tsohon mataimakin shugaban kamfanin mai ne na Exxon-Mobil mai kula da nahiyar Afrika, kuma dan asalin Jihar Delta ne mai arzikin mai.

Kachikwu kwararre ne a bangaren makamashi wanda ya yi karatu a Jami’ar Harvard.

Bayan nadinsa, Kachikwu ya yi alkawalin gudanar da aiki da gaskiya tare da tunkarar kalubalen da ke gabansa.