Bankin Duniya ya jinkirta bai wa kasar Mali rancen kudi

Asusun lamuni na duniya IMF ya ce zai jinkirata bai wa kasar Mali rancen dalar Amurka milyan 6, domin gudanar da bincike dangane da wasu bayanai da ke cewa gwamnati za ta yi amfani da kudaden ne domin saya wa shugaban kasar sabon jirgi akan dala milyan 40.

Ibrahim Boubacar Keïta, shugaban kasar Mali AFP PHOTO / HABIBOU KOUYATE

Mai magana da yawun asusun na IMF ya ce babbar manufar bai wa Mali rancen wadannan kudade shi ne domin yaki da talauci, amma ba domin sayen jirgin sama ba.

Mali dai kasa ce da ke farfadowa daga yakin basasa, lamarin da ya sa ta nemi taimakon kasashen duniya domin ceto tattalin arzikinta.