An kafa sabuwar majalisar ministoci mai mambobi 34 a Guinea Conakry

Shugaban kasar Guinea Conakry Alpha Conde, ya amince da kafa jerin sunayen mutanen da Firaministan kasar Mohammed Said Fofana ya gabatar ma sa domin kasancewa a matsayin mambobin gwamnatinsa.

Shugaban Guinea Conakry, Alpha Conde

Shugaban ya ce Fira Minsitan zai jagoranci ministoci 34 cikin su harda tsoffin ministoci 19.

To sai dai ba kamar yadda wasu suka zata ba, babu ‘yan adawa a cikin sabuwar gwamnatin da ta fara aiki daga jiya litinin.